iklan

NASIONÁL, DILI, MUNISÍPIU, POLÍTIKA

Governu Tenke Fó Prioridade ba Infraestrutura Bázika

Governu Tenke Fó Prioridade ba Infraestrutura Bázika

Prezidente Autoridade Munusípiu Bobonaro, Jeferino Soares dos Santos. Imajen/Agapito dos Santos

CAILACO, 20 maiu 2019 (TATOLI)-Durante restaurasaun independénsia ho idade tinan 17 dezenvolvimentu komesa la’o ona, governu da-ualu tenke aselera hodi tau mós prioridade iha setór infraestrutura bázika.

“Prosesu dezenvolvimentu en jerál hahú lao, maibé ami presiza liuliu maka hadi’a estrada iha munisipiu Bobonaro,” hatete Prezidente Autoridade Munisípiu Bobonaro, Jeferino Soares dos Santos, ohin, iha Cailaco, Bobonaro.

Nia rekomenda liután ba governu sentrál atu rezolve kondisaun estrada, liuliu estrada ne’ebé liga munisípiu  ho postu Cailaco, Lolotoe no Bobonaro.

Alende nee, nia rekomenda hadi’a mós kondisaun sala eskola balun iha munisípiu la seguru ona atu estudante sira hala’o prosesu aprendizajen.

“Postu saúde no sentru saúde lao di’ak ona, maibé presiza kompleta ekipamentu médiku ba doutór sira atu halo servisu, ” hateten Jeferino Soares dos Santos.

Iha oportunidade hanesan, Ministra Edukasaun Juventude no Desportu, Dulce de Jesus hatete, durante mandatu governasaun da ualu sei kompleta tan sala aprendizajen foun hamutuk 1000 resin ba estudante.

“Ita presiza servisu maka’as hodi garante kualidade edukasaun,” afirma Ministra Dulce de Jesus.

Jornalista     : Agapito dos Santos

Editór           : Francisco Simões

iklan
iklan

Leave a Reply

iklan
error: Content is protected !!