Embaixadór Olanda Ho PM Taur Troka Ideia Dezenvolve Instituisaun Estadu

0
70
Embaixadór Olanda iha Timor-Leste, Rob Swartbol hasoru malu ho Primeiru-ministru Taur Matan Ruak. Foto espesiál

DILI, 09 maiu 2019 (TATOLI)–Embaixadór Olanda iha Timor-Leste, Rob Swartbol hasoru malu ho Primeiru-ministru (PM), Taur Matan Ruak hodi ko’alia kona-ba oinsá atu dezenvolve instituisaun estadu inklui asuntu importante balun.

“Nasaun independente hanesan Timor-Leste ho tinan 19, ita tenke dezenvolve instituisaun estadu mesmo que difisil. Tanba ne’e, ita troka ideia kona-ba asuntu ne’e, nune’e mós kona-ba dezenvolvimentu ekonomia,” hateten Embaixadór Rob Swartbol ba jornalista sira iha Palásiu Governu, kuarta (08/05).

Diplomata Olandés ne’e haktuir, durante enkontru ho Xefe Governu ko’alia mós kona-ba pasadu no hafoin Timor-Leste hetan independénsia no mós kona-ba situasaun ekonómika agora no ba futuru nune’e mós situasaun polítika iha rai laran.

“Saida mak ha’u bele promete ba Timor-Leste, ha’u sei lori investór sira hodi bele halo investimentu iha área infraestrutura, konetividade, agrikultura no seluk tan,” garante diplomata ne’e.

Jornalista   : Julia Chatarina

Editór         : Rafy Belo

HUSIK IDA HATÁN