Ministra Finansa ein ezersísiu, Sara Lobo Brites. Imajen/Egas Cristovão

DILI, 30 maiu 2019 (TATOLI)-Ministra Finansa ein ezersísiu, Sara Lobo Brites, garante katak, ezekusaun Orsamentu Jerál Estadu (OJE) 2019 ladún aselera, maibé sei la’o di’ak to’o iha nia tempu.

“Ezekusaun ladún aselera, mas ita komprende katak projetu kapitál ne’e lori tempu duni. Ha’u haree hela dadus, kapitál menór mak menus loos, mas ida ne’e iha hotu ona faze tanba ezekusaun ne’e ko’alia kona-ba faze tolu, kompromisu, obrigasaun depois pagamentu,” esplika Sara Lobo Brites, ohin, iha Palásiu Governu.

Iha faze obrigasaun katak ministériu sira tama ona iha kontratu, balu komesa halo ona sira-nia kompromisu para hahú nia prosesu, ne’ebé ezekusaun sei di’ak to’o iha nia tempu.

“Agora, transferénsia públika mós tun, maibé ita iha pagamentu rua mak akontese iha fulan ne’e nia laran hanesan pagamentu ba ferik-katuas ho bolsa da mãe, ne’e ita selu tinan ida dala-rua, kuandu nia ezekuta nia mós bele aumenta ba ezekusaun,” hateten Sara Lobo Brites.

Ministra Sara Lobo Brites relata, ezekusaun OJE 2019 atinje ona porsentu 31 no MF nafatin halo akompañamentu no apoia ba ezekusaun ministériu sira nian.

Jornalista      : Maria Auxiliadora

Editór            : Francisco Simões

HAKEREK NO HATÁN

Please enter your comment!
Please enter your name here