Ministru Transporte no Komunikasaun, José Agostinho da Silva. Imajen António Goncalves

DILI, 29 maiu 2019 (TATOLI) – Ministériu Transporte no Komunikasaun (MTK) hanesan ministériu foun enfrenta dezafiu iha ezekusaun Orsamentu Jerál Estadu (OJE) 2019, maibé atinje ona porsentu 56.

“Ezekusaun Ministériu Transporte no Komunikasaun nian ba tinan 2019 atinje ona porsentu 56, gasta ona iha kategoria bens servisu, saláriu vensimentu no kapitál menór”, Ministru Transporte no Komunikasaun, José Agostinho da Silva, ba jornalista sira iha Palásiu Governu, ohin.

Governante ne’e afirma ninia parte hasoru dezafiu durante ezekusaun, tanba Ministériu Transporte no Komunikasaun hanesan ministériu foun.

“Konserteza ha’u hasoru dezafiu, tanba ministériu ne’e foun foin fahe malu ho ministériu obra públika. Dezafiu ne’ebé hasoru liu maka iha parte enkuadramentu, seidauk iha rekursu ne’ebé sufisiente ho kualidade, nune’e bele implementa programa no garante kualidade ezekusaun”, katak José.

José Agostinho hatutan: “Klaru katak gasta orsamentu Estadu ne’e tenke bazeia ba programa, kontrola ezekusaun ne’ebé alokadu no labele gasta arbiru, katak tenke ezekuta tuir planu ministériu nian”.

Jornalista: Antónia Gusmão

Editora: Rita Almeida

HAKEREK NO HATÁN

Please enter your comment!
Please enter your name here