Eis Treinadór klube Persatuan Sepakbola Indonesia Balikpapan (PERSIBA), Haryadi Hengkang. Imajen espesiál

DILI, 29 maiu 2019 (TATOLI)—Eis Treinadór klube Persatuan Sepakbola Indonesia Balikpapan (PERSIBA), Haryadi Hengkang, ofisialmente sai treinadór ba Karketu Dili FC.

Desizaun ida ne’e halo tanba jerénsia klube refere avalia katak treinadór anteriór, António Timótio, lidera Karketu partisipa jogu dala tolu ona iha jornada datoluk Primeira Divizaun Liga Futeból Amadora (LFA) époka 2019 maibé lahó vitória—lakon dala rua no impata dala ida.

Tuir informasaun ne’ebé Agência Tatoli asesu hosi Mídia LFA iha kuarta ne’e katak treinadór foun sei lidera klube ne’ebé idéntiku ho “matak malirin” ne’e to’o jogu époka 2019 terminadu.

Treinadór Anteriór, António Timótio

Entretantu, antigu treinadór Karketu, António Timótio, muda hikas pozisaun ba asistente treinadór.

Tuir oráriu, Haryadi sei to’o Dili iha domingu (1/6/2019) no sei hahú lidera ekipa iha segunda, 2 juñu 2019.

Jornalista: Mídia LFA

Editór: Xisto Freitas

 

Lee mós notísia iha kraik…

Karketu Lori Zero, Lalenok United Lori Vitória

 

 

 

HAKEREK NO HATÁN

Please enter your comment!
Please enter your name here