Lista jogadór sira ne’ebé hetan kartaun kinur no mean durante jogu LFA.

DILI, 27 maiu 2019 (TATOLI)—Jogadór sira hamutuk 36 mak hetan kartaun kinur no na’in lima (5) hetan mean iha jogu jornada 1 to’o jornada 3 hosi Primeira Divizaun Liga Futeból Amadora (LFA) époka 2019.

Jogadór hirak ne’e hetan kartaun kinur tanba komete erru iha kampu laran bainhira jogu hahú. Tuir regra LFA, jogadór hirak ne’ebé hetan kartaun kinur sei la partisipa iha jogu ida no selu multa $25. Maibé, na’in 5 seluk ne’ebé hetan kartaun mean labele partisipa iha jogu rua tutuir malu no selu multa $50.

Jogadór lima ne’ebé hetan kartaun mean mak hanesan Ason hosi Boavista FC, Kefin hosi Assalam FC, Edit Xavio hosi Assalam FC, Daniel Adade hosi Assalam FC no Ivan Lay hosi Atlético Ultramar.

Hirak ne’ebé hetan kartaun kinur maioria hosi klube ualu ne’ebé dadaun ne’e joga iha Primeira Divizaun mak hanesan Académica FC, Atlético Ultramar, Assalam FC, Boavista FC, AD. SLB Laulara, Karketu Dili FC no Lalenok United.

Jornalista: Mídia LFA

Editór: Xisto Freitas

HAKEREK NO HATÁN

Please enter your comment!
Please enter your name here