Diretór Ezekutivu HNGV, Aniceto Barreto. Imajen António Goncalves

DILI, 27 maiu 2019 (TATOLI) – Diretór Jerál Ospitál Nasionál Guido Valadares (ONGV) husu atu família pasiente labele toba no tuur iha kama ne’ebé pasiente toba ba.

“Ita iha dilema ida kuandu ita hakarak tratamentu tenke privasidade, tan ne’e tau kortina, maibé dala ruma ema utiliza sala katak tau fatin didi’ak, tau kortina didi’ak, família pasiente balu toba fali iha kama moras nian no na’in rua toba hamutuk de’it, ne’e ladi’ak”, hateten Aniceto Cardoso Barreto ba jornalista sira iha salaun Ministériu Saúde (MS), Kaikoli, ohin.

Aniceto argumenta ospitál ba ema moras, tan ne’e ospitál la tau ona kortina iha sala pasiente, kuandu tau bainhira atu halo intervensaun (konsulta) kuandu laiha maka tau kama aberta de’it.

Razaun tau kama aberta para pesoál saúde sira bele halo tratamentu di’ak liu ba pasiente, tanba dala ruma pasiente moras maka’as, más pesoál la haree tanba de’it kortina taka metin.

Daudaun ne’e kama iha ONGV iha de’it 200 no aumenta tan esponja sa’e ba 300. Maibé seidauk sufisiente.

Jornalista: Antónia Gusmão

Editora: Rita Almeida

HAKEREK NO HATÁN

Please enter your comment!
Please enter your name here