Treinadór Boavista FC, Fabiano José

DILI, 27 maiu 2019 (TATOLI)—Treinadór Boavista FC, Fabiano José optimista sei manán ekipa Fitun Estudante Lorosa’e (FIEL) iha jogu Tasa 12 Novembru ne’ebé maka sei hala’o iha Kampu Federasaun Futeból Timor-Leste (FFTL), Bairru Formosa, Dili, tersa aban (28/05) tuku 16:00 Otl.

“Jogu aban ne’e Tasa 12 Novembru maibé Boavista konsidera importante hotu. Nune’e, Boavista partisipa ho másimu no sei hetan rezultadu sufisiente iha jogu ne’e,” tenik Fabiano ba jornalista liuhosi konferénsia ba imprensa ne’ebé hala’o iha salaun Xanana Sport Center, segunda (27/05).

Maski mehi aas atu manán jogu refere maibé treinadór ne’e konsidera ekipa adversáriu mós joga di’ak.

 “Fitun Estudante, ekipa segunda divizaun maibé sira joga di’ak. Ne’e duni, aban antes ami manán mós susar uituan,” nia tenik.

Enkuantu, laiha komentáriu hosi treinadór Fitun Estudante kona-ba jogu aban tanba la marka prezensa iha konferénsia ba imprensa.

Jornalista: Mídia LFA

Editór: Xisto Freitas

HAKEREK NO HATÁN

Please enter your comment!
Please enter your name here