Bispu Dioseze Dili, Mgr. Virgílio do Carmo da Silva, SDB. Imajen/Espesiál

 DILI, 23 maiu 2019 (TATOLI)—Bispu Dioseze  Dili, Don Virgílio do Carmo da Silva, fó sakramentu krizma ba sarani na’in 563 iha Igreja Maria Auxiliadora, Comoro, Dili, kinta loraik ne’e.

“Ho sakramentu krizma ne’e muda imi-nia hahalok, hafoun no hametin liu-tan imi-nia fiar,” Don Virgílio dehan iha nia omília ba krizmadu na’in 563 ho família sira.

Bispu apela ba krizmadu sira atu tau lilin iha ortóriu, nune’e bainhira susar ruma, bele halakan fali hodi husu harohan liuhusi orasaun. “Halakan o-nia lilin, Maromak nia espíritu loke o laran, atu bele hakmatek,” nia fó hanoin.

Nia husu ba ba krizmadu sira katak promesa batizmu ne’e labele iha uma-kreda de’it, maibé promesa ba iha moris tomak.

Tuir observasaun, hafoin omília, akolitu sira sunu lilin hahú hosi lilin boot to’o lilin ki’ik. Hafoin sunu lilin, Bispu Virgílio hateten, “hamriik no hakmatek, naroman sei to’o iha ita-boot sira-nia fatin. Sakramentu krizma hanesan prekursu inisiasaun. Sakramentu ida ne’e hanesan mós símbolu uma-kreda nian”.

Bispu ne’e iha mensajen ikus ba krizmadu sira atu banati tuir saida mak Jesus hatudu ona, katak molok Nia (Jesus) mate tatoli hela “pás hela ho imi”, nune’e mós hafoin moris hias Nia dehan “hakmatek iha fatin”. Rahun di’ak ba sira ne’ebé la haree maibé fiar.

Jornalista: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here