Ministru Ensiñu Superiór, Siénsia no Kultura, Longuinhos dos Santos. Imajen: Egas Cristóvão

DILI, 23 maiu 2019 (TATOLI)—Ministru Ensiñu Superiór, Siénsia no Kultura, Longuinhos dos Santos, hateten iha tinan 2020, Ministériu Ensiñu Superiór, Siénsia no Kultura liuhosi Sekretaria Estadu Arte no Kultura, sei loke akademia ba múzika.

“Ami planeia ona. Iha tinan 2020 ita harii akademia múzika no tenke realiza duni, tanba timoroan barak mak iha talentu liliu iha área múzika,” Ministru Longuinhos ko’alia ba jornalista sira Palásiu Governu, ohin.

Governante ne’e akresenta, haree ba realidade durante ne’e timoroan barak mak iha talentu kona-ba múzika no barak mak prodúz múzika ho lian ne’ebé di’ak tebes, tanba ne’e governu presiza tau importánsia ba asuntu refere.

 “Bazeia ba nesesidade ida ne’e mak hakarak ka lakohi tenke kria duni akademia múzika,” nia esklarese.

 Jornalista: Evaristo Soares Martins

Editór: Xisto Freitas

HAKEREK NO HATÁN

Please enter your comment!
Please enter your name here