Governadór BCTL, Abrão de Vasconcelos, halo enkontru ho Primeiru-Ministru, Taur Matan Ruak, Kuarta (22/5/2019).Imajen/Media GPM

DILI, 23 maiu 2019 (TATOLI) – Governadór Banku Sentrál Timor-Leste (BCTL-sigla portugés), Abrão de Vasconcelos, Kuarta (22/5/2019), hasoru malu ho Primeiru-Ministru, Taur Matan Ruak, iha Palásiu Governu, hodi atualiza relatóriu BCTL ne’ebé publika ona iha 30 abril 2018 kona-ba situasaun sistema finanseiru iha Timor-Leste.

“Primeiru-Ministru  hakarak entende loloos informasaun hirak ne’ebé kontein iha relatóriu finanseiru nian iha BCTL publika iha 30 abril liu ba. Ida ne’e kontein informasaun lubuk ida kona-ba situasaun ita nia sistema finanseira iha Timor-Leste,” informa Governadór BCTL, Abrão de Vasconcelos ba jornalista sira.

Primeiru-Ministru konsidera informasaun hirak ne’e relevante tebes, oinsá programa governu bele ajuda iha setór bankária nian, oinsá servisu finanseiru ne’ebé fornese hosi setór bankária ne’e atu fasilita implementasaun programa governu.

Governadór BCTL ne’e hatete, indikadór sira prinsipál maka kontein iha relatóriu ne’ebé publika ona maka liuliu dezenvolvimentu sistema finanseira iha Timor-Leste ne’ebé relasiona ho dadus hirak ne’ebé maka BCTL publika ona.

Informasaun sira ne’e nia implikasaun ba governu oinsá, hanesan populasaun adultu ne’ebé maka asesu ba servisu finanseira bázika ho porsentu 70, ida ne’e signifika katak 700 populasaun adultu TL hosi mil populasaun sira iha asesu ba servisu bankária bázika, sira iha konta bankária.

Enkuantu publikasaun relatóriu BCTL nian foin dala rua maka dahuluk publika iha 2016 no daruak iha 2018 nian, iha mudansa  lubuk ida, kompara ho agora. Tanba iha postu administrativu tolu maka seidauk asesu ba servisu finanseira ka pontu asesu, ho razaun katak situasaun jeográfika, estrada no seluk tan. Iha Munisípiu Baucau, Manatuto maibé iha fali postu administrativu.

“Munisipiu Baucau, Manatuto hosi postu administrativu ne’ebé maka seidauk asesu servisu finanseira. Ha’u la lembra ezatamente postu administrativu tolu ne’e ho di’ak. Instituisaun finanseira kualkér ida la iha tanba kondisaun asesu estrada la iha, se estrada iha instituisaun finanseira bele tau nia pontu iha ne’ebá ho fasil,” Governadór BCTL ne’e esplika.

Relatóriu dezembru 2018 nian,  iha 400.000 populasaun maka iha konta bankária. ho porsentu 70 resin populasaun adultu maka iha konta bankária ne’ebé ho númeru ne’ebé aas tebes.

Jornalista   : Zezito Silva

Editór         : Francisco Simões

HAKEREK NO HATÁN

Please enter your comment!
Please enter your name here