Prezidente Repúblika, Francisco Guterres Lú Olo entrega prenda tais Timor ba Sekretáriu Jerál Adjuntu ba Asuntu Polítiku Servisu Europeu ba Asaun External Embaixadór Jean-Christophe Belliard. Imajen/Mídia PR

DILI, 22 maiu 2019 (TATOLI)-Prezidente Repúblika, Francisco Guterres Lú Olo ho Sekretáriu Jerál Adjuntu ba Asuntu Polítiku Servisu Europeu ba Asaun External Embaixadór Jean-Christophe Belliard, ohin, hasoru malu iha Palásiu Prezidensiál, Bairru Pite, Dili, hodi ko’alia kooperasaun Uniaun Europeia no Timor-Leste iha area dezenvolvimentu sosiál no ekonómiku.

“Uniaun Europeia iha relasaun ne’ebé importante tebetebes  no  hato’o mós intensaun saida mak sei hala’o tan iha futuru atu hametin liután kooperasaun,” hatete Embaixadór Jean-Christophe Belliard, ba jornalista sira hafoin hasoru malu ho Prezidente Repúblika.

Embaixadór Jean-Christophe Belliard, hatutan, agrikultura, edukasaun no juventude nu’udar setór prinsipál sira ne’ebé presiza hametin liután. Populasaun ho númeru joven ne’ebé barak presiza iha edukasaun ho kualidade tanba iha ligasaun ho empregu. Uniaun Europeu sei hametin liután nia kooperasaun iha area sira ne’e.

Embaixadór ne’e mós ko’alia ho Prezidente Repúblika kona-ba adezaun Timor-Leste ba ASEAN importante tebetebes ba nasaun no rekizitu sira ne’ebé presiza prienxe molok sai membru organizasaun rejionál ne’e. Organizasaun rejionál sai zona ekonomia prinsipál iha mundu.

Jornalista   : Agapito dos Santos

Editór         : Francisco Simões

 

 

HAKEREK NO HATÁN

Please enter your comment!
Please enter your name here