Ministru Estadu Prezidénsia Konsellu Ministru, Hermenegildo Augusto Cabral Pereira. Imajen Egas Cristovão

DILI, 22 maiu 2019 (TATOLI) – Primeiru-Ministru (PM), Taur Matan Ruak orienta membru governu sira atu kria ekipa interministeriál hodi halo estudu viabilidade ba Baía Nova Dili.

Orientasaun ne’e, Xefe Governu halo, iha ámbitu bainhira rona aprezentasaun husi Ministru Administrasaun Estatál em ezersísiu, Abílio José Caetano kona-ba proposta projetu Baía Nova Dili, iha reuniaun Konsellu-Ministru (KM), ohin.

Ministru Estadu Prezidénsia KM, Hermenegildo Augusto Cabral Pereira hateten, aprezentasaun proposta kona-ba projetu Baía Nova Dili ne’e importante no projetu ne’e mai ona husi tinan kotuk ona.

“Projetu Baía Nova Dili atu halo iha Lesidere to’o Palásiu Governu nia oin. Halo estudu atu konstrui baía ida hodi ró ahi sira para,” tenik Ministru Hermenegildo Pereira perante profisionál komunikasaun sosiál sira, iha Palásiu Governu hafoin reuniaun ezekutivu.

Governante ne’e informa mós katak iha reuniaun ohin PM orienta hodi entrega ba Ministru Estadu Prezidénsia Konsellu-Ministru atu koordena ministériu relevante sira tanba projetu ne’e boot hodi haree viabilidade implementasaun nian.

Jornalista       : Julia Chatarina

Editór             : Rafy belo

HAKEREK NO HATÁN

Please enter your comment!
Please enter your name here