Ministru Negósiu Estranjeiru no Kooperasaun (MNEK), Dionísio Babo Soares

DILI, 22 maiu 2019 (TATOLI)—Ministru Negósiu Estranjeiru no Kooperasaun (MNEK), Dionísio Babo Soares, hateten hahú hosi V Governu Konstitusionál, kualkér nota Entendimentu tenke hetan autorizasaun hosi desizaun Konsellu Ministru (KM).

“Loos duni katak iha tinan hirak liu-ba ne’e iha problema uituan. Ema barak ba halo akordu tún, akordu sa’e depois akordu sira ne’e mai la implementa. Haluhan tiha. Maibé, hahú hosi V Governu mai ne’e buat ne’e kontroladu ona. Buat hotu tenke liuhusi Konsellu Ministru,” Ministru Dionísio ba Agência TATOLI, iha Palásiu Governu, kuarta ne’e.

Governante ne’e afirma, bainhira nota Entendimentu ida atu la’o tenke iha pareser hosi Ministériu Negósiu Estranjeiru no Kooperasaun (MNEK) no Ministériu Finansa.

“Ita iha akordu pur-volta 300 akordu. Balun hotu ona. Balun seidauk hotu. Agora, ita konbtrola hela,” nia informa.

Tuir nia, eis Prezidente Repúblika, José Ramos kestiona ne’e antes V Governu, maibé hahú hosi V Governu mai to’o oras ne’e nota Entendimentu hotu kontroladu.

Ministru Dionísio responde asuntu ne’e relasiona ho deklarasaun Eis Prezidente Repúblika, Ramos Horta, ne’ebé antes ne’e kestiona nota entendimentu barak la atualiza.

Jornalista: Evaristo Soares Martins

Editór: Xisto Freitas

Lee mós notísia iha kraik ne’e…

Ramos Horta Kestiona Nota Entendimentu Barak La Atualiza

 

HAKEREK NO HATÁN

Please enter your comment!
Please enter your name here