Ministra Edukasaun Juventude no Desportu, Dulce de Jesus Soares. Imajen Tatoli/ Egas Cristóvão

CAILACO, 20 maiu 2019 (TATOLI)-Ministra Edukasaun Juventude no Desportu (MEJD),  Dulce de Jesus Soares, apresia ho partisipasaun povu iha komemorasaun loron restaurasaun independénsia ba da-XVII (20 maiu 202-20 maiu 2019).

MEJD Dulce de Jesus Soares hato’o apresiasaun ne’e bainhira prezide serimónia selebrasaun loron restaurasaun independénsia nian iha Bobonaro, ohin.  Alende komunidade nia partisipasaun, iha mós prezensa  estudante, veteranus, militár no polisia ninia koordenasaun no kontribuisaun hodi fó susesu ba selebrasaun nee.

Komemorasaun loron restaurasaun independénsia ba da-XVII ho tema “ita hametin unidade estabilidade no haburas liu tan dezenvolvimentu”.

“Ita hetan partisipasaun hosi komunidade durante serimónia hasa’e bandeira no atividade povu nia lao ona semana ida hanesan espozisaun ba produtu lokál, ” hateten Dulce de Jesus Soares.

Hosi sorin seluk, Administradór postu administrativu Cailaco, Alfredo Monis da Costa, esplika serimónia nee hetan apoiu orsamentu hosi munisípiu hamutuk 3.600 hodi aloka ba konsumu no lojístika.

Nia relata katak, orsamentu nee la too maka obrigadu veteranu, intelektuál Cailaco oan iha Dili, kompañia lokál apoiu osan no material kontrasaun hodi harii tenda permanente ida ba bainaka sira hodi uza.

Jornalista   : Agapito dos Santos

Editór         : Francisco Simões

HAKEREK NO HATÁN

Please enter your comment!
Please enter your name here