Ministru Reforma Lejizlativa no asuntu Parlamentar, Fidelis Manuel Leite Magalhães, Imajen/Egas Cristovão

DILI, 21 maiu 2019 (TATOLI)– Dadus estatístika ne’ebé Banku Mundiál ho Governu fó sai iha 2014 sai referénsia atu rekoñese esforsu hotu ne’ebé Estadu iha atu redús ki’ak iha Timor-Leste (TL).

“Los duni katak iha númeru estatístika sei aas, maibé ita mós labele nega tiha esforsu hotu ne’ebé iha ona no gaña vitória barak ne’ebé ita konsege konkista iha esforsu nasaun nian tomak hodi redús ki’ak iha ita nia rain,” hatete Ministru Reforma Lejizlativa no Asuntu Parlamentár, Fidelis Manuel Leite Magalhães, ohin, iha uma fukun Parlamentu Nasionál.

Hanesan dadus estatístika ne’ebé fó sai hosi Banku Mundiál iha 2014 katak iha 2006, iha porsentu 32 hosi sidadaun sira maka hetan ona eletrisidade, maibé iha 2014 sa’e ba porsentu 72. Iha 2007, bee moos no saneamentu ho porsentu 42 maibé to’o 2014 sa’e ba porsentu 60. Iha 2007, númeru labarik ne’ebé asesu eskola ho porsentu 58 de’it, maibé ba 2014 konsege sa’e to’o porsentu 83. Nune’e mós númeru labarik iha tinan lima mai kraik ne’ebé ho pezu la natoon, uluk porsentu 65 maibé iha 2014 sa’e ba porsentu 84, enkuantu seidauk temi esforsu redusaun malaria.

“La’ós buat hotu iha ita nia rai at no nakukun hanesan ema barak temi,” afirma Fidelis Manuel Leite Magalhães.

Nia tenik,  iha 2007, pobreza iha porsentu 50 resin, maibé iha 2014 konsege tun Ida ne’e hatudu katak liuhosi estudu Banku Mundiál hatudu katak Timor-Leste hanesan nasaun ne’ebé iha mundu halo servisu di’ak liu iha redusaun ki’ak.

“Ida ne’e la’ós governu Timor-Leste halo, maibé update hosi Banku Mundiál nian, hatudu prosesu redusaun pobreza iha Timor-Leste di’ak liu iha mundu kompara ho nasaun sira seluk,” Fidelis hatutan.

Foin lalais, Fidelis Magalhães esplika, ita muda ba Millennium Challenge Corporation hakarak konsidera Timor-Leste atu sai hanesan nasaun benefisiáriu ida. Tanba sira iha rekoñesimentu ba Timor nia kualidade instituisaun no ba Timor nia kompromisu atu investe rekursu ne’ebé iha ba moris di’ak povu nian.

Jornalista   : Zezito Silva

Editór         : Francisco Simões

HAKEREK NO HATÁN

Please enter your comment!
Please enter your name here