Ministro da Defeza, Filomeno da Paixão de Jesus. Imajen/Antonio Goncalves

DILI, 21 maiu 2019 (TATOLI) – Ministru Defeza no Seguransa Interinu, Filomeno da Paixão de Jesus, hateten forsa rua Estadu nian hanesan, Polísia Nasionál Timór-Leste (PNTL) no FALINTIL-Forsa Defeza Timór-Leste (F-FDTL) preparadu kombate terrorizmu iha Timór.

“Defeza no Seguransa ita preparadu, ita iha forsa tantu polísia no F-FDTL, daudaun ne’e mós ita iha unidade ida atu kombate terrorizmu iha ita nia rain”, hateten Ministru Filomeno da Paixão de Jesus ba jornalista sira iha Palásiu Prezidente Nicolau Lobato, Bairru Pité, hafoin enkontru semanál ho Prezidente Repúblika, Francisco Guterres Lú Olo, ohin.

Paixão hatutan atu prevene aktu terrorizmu iha maka hosi populasaun rasik hodi koopera ho autoridade sira.

“Prevensaun iha forsa rua nia liman no ita populasaun tomak, tanba ne’e mak bainhira haree sinál ruma akontese katak ema tama ilegál, ema ruma dezloka mesak-mesak ba lokál remota no ita sente deskonfia, tenke fó hatene autoridade sira”, katak.

Relasiona ho issue terrorizmu, lideransa másimu defeza no seguransa ne’e afirma polísia hetan apoia mós hosi forsa defeza hala’o seguransa másimu, liuliu iha kapitál Dili.

Jornalista: Antónia Gusmão

Editora: Rita Almeida

HAKEREK NO HATÁN

Please enter your comment!
Please enter your name here