Prezidente Autoridade Munisípiu Manufahi, Arantes Isaac Sarmento. Imajen/Egas Cristovão

MANUFAHI, 20 maiu 2019 (TATOLI) – Prezidente autoridade munisípiu Manufahi, Arantes Isaac, hatete autoridade munisípiu iha ona kapasidade atu simu kompeténsia no podér hosi governu sentrál. 

Delegasaun podér importante atu apoiu governu lokál hodi aselera prosesu dezenvolvimentu iha baze.

“Hanesan servidór Estadu ida iha munisípiu, ho komemorasaun loron restaurasaun independensia 20 maiu ba dala 17, ami iha esperansa ba governu sentrál atu desentraliza ona podér no kompeténsia ba munisípiu”, katak nia ba TATOLI iha Same, ohin.

Nia fó razaun katak ho delegasaun kompeténsia fó kbiit ba autoridade munisípiu sira atu implementa planu dezenvolvimentu ida hahú baze ba povu nia moris di’ak.

Arantes hateten, konfia ho lideransa Primeiru-Ministru, Taur Matan Ruak, sei konsidera pedidu ne’e atu fó ona podér ba munisípiu.

“Dezenvolvimentu avansa ba oin, maske lider sira maka troka malu, tanba ne’e ha’u fiar dezenvolvimentu iha Manufahi sei la’o di’ak”, nia espera.

Jornalista: Egas Cristovão

Editora: Rita Almeida

HAKEREK NO HATÁN

Please enter your comment!
Please enter your name here