Autoridade PNTL Bobonaro prende mina-rai ilegál iha liña frontira terrestre. Imajen/PNTL Bobonaro

CAILACO, 20 maiu 2019 (TATOLI)-Atividade komérsiu ilegál ne’ebé envolve hosi komunidade sira iha liña fronteira tanba ema lori osan lohi komunidade sira. Ema mós hatene kondisaun moris komunidade nian ne’ebé sei difisil tebes.

Mina-rai lubun ne’ebé PNTL Bobonaro prende hosi atividade ilegál iha fronteira terrestre. Imajen/PNTL Bobonaro

Prezidente Autoridade Munisípiu Bobonaro, Jeferino Soares dos Santos, hatete, komérsiu ilegál ne’ebé sidadaun sira hala’o iha fronteira la sai ezemplu di’ak atu kontribui reseita ba estadu hodi selu taxa.

Jeferino Soares dos Santos relata,  hosi rezultadu apreensaun rejista atividade negósiu ilegál nee hala’o hosi ema ho osan barak no barak la’ós sidadaun iha fronteira ,maibé hosi munisípiu seluk.

“Ita hatene komunidade iha fronteira barak seidauk moris di’ak, tanba nee, ema lohi ho osan ruma hodi sira kontribui hodi halo atividade ilegál, maibé maioria ema ne’ebé halo atividade ilegál nee ema sira emprezáriu, tanba ita nia komunidade halo tranzasaun ho kuantidade ki’ik hanesan sosa mina-rai,” Jeferino Soares dos Santos, ba Ajénsia TATOLI, horiseik, iha Cailaco, Bobonaro.

Atu prevene atividade nee maka durante tinan hirak nee autoridade munisípiu servisu hamutuk ho Servisu Migrasaun, Alfándega, Quarantena, Polisia Unidade Fronteira no autoridade, hodi halo sosializasaun no diseminasaun informasaun ba komunidade sira iha liña fronteira.

Evidensia kilat manu ne’ebé PNTL Bobonaro prende hosi atividade komérsiu ilegál iha fronteira terrestre. Imajen/PNTL Bobonaro

Nu’udar sidadaun di’ak, Jeferino Soares dos Santos, dehan, tenke kontribui ba polítika estadu liuliu maka prevensaun ba atividade ilegál no lao tuir dalan legál hodi selu taxa ba estadu.

Nia tenik, ba futuru presiza nafatin kontribuisaun hosi komunidade ba autoridade seguransa atu bele deteta atividade ilegál sira nee.

Jornalista               : Agapito dos Santos

Editór                     : Francisco Simões

HAKEREK NO HATÁN

Please enter your comment!
Please enter your name here