Komandante Jerál PNTL, Komisáriu, Faustinho da Costa. Imajen/António Gonçalves

DILI,16 maiu 2019 (TATOLI)-Paresér kona-ba proposta lei orgánika, estatutu, inklui disiplinár Polisia Nasionál Timor-Leste (PNTL) nian sei submete ba Governu iha tempu besik.

Komandante Jerál PNTL, Komisáriu Faustino da Costa, esklarese katak, paresér ne’e atu apoiu governu hodi halo mudansa ba estatura  ba delegasaun kompeténsia hahú hosi  nasionál to’o komandu munisípiu.

“Ministru Interior interinu, Filomeno Paixão, simu ona dokumentu sira ne’e kompletu”, hatete Komisáriu PNTL, Faustino da Costa, ba Jornalista sira, ohin, iha Palásiu Prezidensiál, Bairru-Pité, Dili.

Nia dehan,  maske foin mak submete paresér hirak ne’e ba governu, maibé intermus servisu tékniku operasionál halo ona hanesan nomeasaun ba kargu Komandante hosi nasionál to’o munisipiu no unidade sira.

“Tatikamente ba servisu operasionál ita halo ona, maibé ninia delegasaun kompeténsia própriu depois lei sira ne’e aprovadu”, tenik Komisáriu Faustino da Costa.

 Jornalista   : Agapito dos Santos

Editór          : Francisco Simões

HAKEREK NO HATÁN

Please enter your comment!
Please enter your name here