Ministra Finansa ein ezersísiu, Sara Lobo Brites,Imajen/Egas Cristovão

DILI, 15 maiu 2019 (TATOLI)-Ministra Finansa ein funsaun, Sara Lobo Brites, informa akordu kona-ba komérsiu fronteirisu ne’ebé asina ona ho parte Indonézia no Banku Dezenvolvimentu Aziátiku (ADB-sigla inglés) iha Fiji ne’e, nia implementasaun Ministériu Negósiu Estranjeiru no Kooperasaun (MNEK) mak toma konta hodi koordena ho ministériu sira ne’ebé hola parte iha memorandu entendimentu ne’e.

“Ministériu Agrikultura, Transporte Komunikasaun ho Ministériu Turizmu sira-nia ekipa sei tuur hotu iha task force ne’ebé mak lidera husi Ministériu Negósiu Estranjeiru para halo nia prosesu bá oin”, informa Ministra  Sara Lobo Brites, hafoin soru-mutu Konsellu Ministru, ohin, iha Palásiu Governu.

Atuál Vise-Ministra Finansa ne’e klarifika katak, MNEK sei lidera prosesu ne’e no servisu hamutuk ho ministériu sira ne’ebé hola parte iha akordu refere.

Kona-ba vantajen hosi memorandu ne’e, Sara Lobo Brites dehan, ba ida ne’e ministériu ida-idak ne’ebé mak iha nia parte, sira maka tenke diskute di’ak nia benefísiu, maibé importante mak iha ona nia dalan depois diskusaun kle’an no bainhira mak atu implementa ne’e kabe ona ba ministériu ida-idak para atu serbisu.

Akordu ne’ebé asina ona iha Fiji iha loron 4 maiu ne’e, Ministra Finansa ein ezersísiu hetan plenu podér husi Konsellu Ministru para asina hamutuk ho Ministra Finansa Indonézia, Sri Mulyani Indrawati  ho Prezidente ADB, Takehiko Nakao, iha ámbitu enkontru annual ADB nian ba 2019.

Iha akordu ida ne’e ADB fornese millaun US$1 hodi suporta ba nia implementasaun.

Notísia relevante : http://www.tatoli.tl/2019/05/tl-ri-ho-adb-asina-akordu-fronteirisu-iha-fiji/

Jornalista   : Maria Auxiliadora

Editór         : Francisco Simões

HAKEREK NO HATÁN

Please enter your comment!
Please enter your name here