Palaçio do Governo. Imajen/Espesiál

DILI, 14 maiu 2019 (TATOLI)-Embaixadór Repúblika Árabe Saharaui mai Timor-Leste, Mohammed Slama Badi,apresia ho progresu dezenvolvimentu Timor-Leste iha setór hotu, liuliu dezenvolvimentu demokrasia no polítika externa iha nivel rejionál no internasionál.

Iha nivel polítiku, Embaixadór Mohammed Slama Badi hateten, Timor-Leste iha progresu boot no sai mós ezemplár ba mundu tanba estadu ida demokrátiku  ho ninia maturidade polítika entre órgaun soberanu sira hanesan Prezidente Repúblika, Governu, Parlamentu Nasionál, Tribunal, Partidu Polítiku di’ak atinje objetivu ida maka hadi’a’ povu nia moris di’ak.

“Governu Repúblika Saharaui kontente tebes ho progresu ne’ebé Timor-Leste atinje  iha setór hotu”, hateten Embaixadór Mohammed Slama Badi, ba jornalista, hafoin hasoru ho Primeiru- Ministru, Taur Matan Ruak, ohin, iha Palásiu Governu.

Iha okaziaun ne’e, parte rua diskute mós tema kooperasaun balun ne’ebé presiza atu estabelese iha futuru. Make nune’e, Embaixadór Mohammed Slama Badi, la esplika detallu tema kooperasaun saida de’it maka parte rua diskute atu implementa.

Jornalista   : Agapito dos Santos

Editór         : Francisco Simões

HAKEREK NO HATÁN

Please enter your comment!
Please enter your name here