Prezidente Tribunál Rekursu, Deolindo dos Santos. Imajen/Egas Cristovão

DILI,13 maiu 2019 (TATOLI)-Tribunal Rekursu (TR), Sesta 10/5/2019), aplika ona prizaun preventiva ba arguido importasaun material droga ho inisiál AAP.

Liuhosi audiénsia julgamentu, semana hirak liu ba, iha primeira instánsia Tribunál Distritál Dili fó aplika medida koasaun Termu Identidade Rezidénsia (TIR), ho nune’e, Ministériu Públiku halo rekursu ba desizaun primeira instánsia nian ne’ebé ikus mai, Tribunal Rekursu estuda hodi aplika hikas prizaun preventiva.

Oras ne’e daudaun,  arguido AAP ne’ebé halo importasaun materiál droga ho kilo grama 250 detein ona iha Prizaun Becora hodi hein prosesu justisa tuir mai.

“Iha rekursu hosi Ministériu Públiku ne’e maka iha desizaun hosi Tribunal Rekursu nian hodi fó razaun ba Ministériu Públiku  hodi  altera medida koasaun apreensaun pasaporte no Termu Identifikasaun Rezidénsia, mais  Tribunal Rekursu ninia entendimentu katak prizaun preventiva tenke aplika ba arguido ne’e”, esplika Prezidente Tribunál Rekursu,  Deolindo dos Santos, ohin, iha Palásiu Prezidensiál, Bairru Pité, Dili.

Mézmu halo ona estudu kle’an ba kazu ne’e, maibé Prezidente Tribunál Rekursu,  Deolindo dos Santos, lakohi públika konteúdu loloos hosi desizaun ne’ebé sira foti hasoru arguido AAP.

“Konteúdu desizaun ha’u labele esplika ba ita boot sira”, hateten Deolindo dos Santos.

Jornalista   : Agapito dos Santos

Editór           : Francisco Simões

HAKEREK NO HATÁN

Please enter your comment!
Please enter your name here