Xefe Departamentu Cirurgia ONGV, Alito Soares. Imajen FB Alito Soares

DILI, 13 maiu 2019 (TATOLI) – Xefe Departamentu Cirurgia ONGV, Alito Soares, hatete maioria pasiente ne’ebé sofre kankru mate, tanba falta informasaun, la halo detesaun sedu no mós falta ekipamentu atu deteta moras ne’e ho lalais.

Alito ba TATOLI iha Otél Novo Turizmu, ohin hatutan problema boot kankru iha Timór maka maioria pasiente sira halo tratamentu avansadu katak abut da’et ona ba iha órgaun vitál, entaun númeru ne’ebé iha porsentu 50 moras mai ho avansadu, porsentu 80 mai tenke mate, tanba pasiente sira mai ho moras da’et ona ba orgaun vital entaun labele kura no tenke mate.

Hahú 2015 to’o 2018 rejista pasiente moras kankru hamutuk 325, husi númeru ne’e maioria iha Dili. Maske dadaun ne’e Ministériu Saúde (MS) seidauk iha dadus fisku kona-ba moras kankru.

Nia akresenta kankru ne’ebé aas tebes iha timór maka kankru susun, mane mak kankru prostata, kankru ran, leukemia. “Maibé ha’u hakarak dehan númeru fisku ba moras sira ne’e seidauk iha, tanba seidauk sentralizada, liu-liu ba moras kankru nian”.

“Kankru sai preukupasaun boot ba ita hotu, no moras ne’e maioria transfere ba rai liur”, afirma. Nia hatutan, alende kankru, moras seluk ne’ebé durante ne’e halo tratamentu iha rai liur maka moras fuan, rins no fase ran.

Jornalista: Antónia Gusmão

Editora: Rita Almeida

Governu Planea Estabelese Sentru Tratamentu Moras Kankru

 

HAKEREK NO HATÁN

Please enter your comment!
Please enter your name here