Otél Timor. Imajen/espesial

DILI, 06 maiu 2019 (TATOLI)-Governu Timor-Leste ho Fundação Oriente hosi Portugál sei finaliza konkordánsia ba prosesu regularizasaun  arrendamentu ba Otél Timor nian.

Ministru Justisa, Manuel Cárceres da Costa. Imajen/ Antonio Goncalves

Tuir kontratu hosi Governu da-uluk no hetan revizaun iha Governu da-haat nian, fó aluga Otél Timor (antigu Otél Mahakota) ba Fundação Oriente, to’o loron 20 Maiu 2027,  maibé tenke selu taxa arrendamentu ba kofre estadu.

“Aban lokraik, bele iha ona rezultadu  tanba loron ikus atu Otél Timor ko’alia ho ministériu justisa hodi hatene kona-ba osan tama ona ba estadu hira no seidauk tama ne’e hira”, informa Ministru Justisa, Manuel Cárceres da Costa, ba Jornalista sira, ohin, iha Palásiu Governu.

Mezmu iha ona faze finalizasaun, maibé, governante ne’e lakohi adianta uluk kona-ba fulan hira ona maka kompañia la selu taxa arrendamentu ba estadu.

Governante apresia ho kolaborasaun no kooperasaun hosi Jerente Otél Timor, Tiago Barrata ho ekipa hodi rezolve asuntu ne’e.

Iha tinan 2001 no 2002, Fundação Orienta mak reabilita Otél Mahakota hafoin hetan sunu no etragus total hosi milisia pro-Indonézia iha 1999 hodi tau fali naran Otél Timor ho gastu investimentu purvolta millaun US$6.

Jornalista: Agapito dos Santos

Editór: Francisco Simões

HAKEREK NO HATÁN

Please enter your comment!
Please enter your name here