Evolusaun susuk aedes aegypti. Imajen hosi google

DILI, 03 maiu 2019 (TATOLI) – Diretora Saúde Munisípiu Dili (SMD), Agustinha Segurado, hatete ninia parte hapara atividade rega susuk ba kada uma kain iha kapitál, tanba ai-moruk ou kímiku estoke hotu.

Susuk aedes aegypti. Imajen hosi google

Tuir dadus númeru dengue iha kapitál sa’e maka’as iha tinan 2019 kompara ho 2018 nian, katak iha 2018 rejista númeru hamutuk 226, tinan ne’e 400 resin.

Ho númeru kazu ne’ebé aumenta, Agustinha husu ba komunidade atu hamoos ida-idak nia hela fatin hodi evita moras dengue.

Nia dehan susuk ne’ebé hamosu dengue ho naran aedes aegypti, mai husi bee nalihun iha lata mamuk, vazu ai-funan, bee hosi ár kondisionadu (AC-sigla inglés) no mós iha dadeer 6.00 no loraik 16.00 to’o tuku 19.00.

“Moras dengue mosu mai husi susuk, susuk ne’e mai husi ita ema nia hahalok, katak la hamoos hela fatin, husik livre bee nalihun iha fatin-fatin, nune’e fasil hamosu susuk, tanba fatór sira ne’e maka importante hodi hamosu lalais susuk”, hateten nia ba TATOLI iha sentru saúde Vera Krús, munisípiu Dili.

Jornalista: Antónia Gusmão

Editora: Rita Almeida

HAKEREK NO HATÁN

Please enter your comment!
Please enter your name here