Xefe Governu Kondena Hahalok Hatama Droga

0
185
Primeiru Ministru, Taur Matan Ruak. Imajen/Antonio Goncalves

DILI, (TATOLI) – Primeiru-Ministru, Taur Matan Ruak, kondena hahalok timoroan balun ne’ebé iha 30 marsu liu-hatama materia prima ba droga no kokain mai Timor.

Tuir Xefe Governu independentemente, sé de’it maka involve iha droga ne’e aktu ida ne’ebé tenke rejeita no kondena.

“Hanesan primeiru-ministru apela ba ita-nia sidadaun para kuidadu kuandu introdús buat ne’ebé ita-nia lei bandu”, Taur ba jornalista sira iha Palásiu Prezidente Nicolau Lobato, Bairru Pité, kinta (11/4).

Nia hatutan bainhira introdús buat sira ne’e (droga) mai iha Timor-Leste, sei destroi futuru Nasaun, tan ne’e nia husu sidadaun labele partisipa iha atividade ilísita ne’ebé kontra lei.

Jornalista: Xisto Freitas

Editora: Rita Almeida

http://www.tatoli.tl/2019/04/mf-atualiza-kazu-importasaun-materia-bazika-droga-ba-pm/

http://www.tatoli.tl/2019/04/estadu-alerta-reforsa-kontrola-importasaun-droga/

HUSIK IDA HATÁN