iklan

NASIONÁL, MUNISÍPIU

SECoop ho Komunidade Rembor Hamoos Rai Ektare 36 Hodi Kuda Shorghum

SECoop ho Komunidade Rembor Hamoos Rai Ektare 36 Hodi Kuda Shorghum

SECoop, Arsenio Pereira da Silva, hamutuk ho komunidade Aldeia Rembor, Kinta (11/04/2019), hahú hamoos ona rai ektare 36 atu kuda Shorghum. Imajen/Media SECooP

MANATUTO,(TATOLI)– Sekretáriu Estadu Kooperativa (SECoop), Arsenio Pereira da Silva, hamutuk ho komunidade Aldeia Rembor, Suku Aitias, Posto Administrativu Manatuto Vila, Munisípiu Manatuto, Kinta (11/04/2019), hahú hamoos ona rai ektare 36 ba prosesu da-uluk implementasaun kuda Shorghum.

Komunikadu imprensa husi gabinete media SECoop ne’ebé Ajénsia TATOLI simu relata katak, iha lansamentu ne’e Sekretáriu Estadu Kooperativa, Arsenio Pereira da Silva, hateten, rai mamuk ne’e oferese husi komunidade sira hodi kuda shorghum no husi parseiru Governu nian fasilita loader gratuita hodi hamoos area refere.

“Iha fulan hirak liu ba ami mai survei no observa direita rai ne’e ho komunidade sira, ne’e mak ohin loron realiza atividade ne’e, nomos parseiru balun oferese loader ho gratuita mak agora daudaun halo tetuk hela rai. Ita espera katak to’o semana ida hanesan ne’e bele hamoos hotu ona atu nune’e ita komesa kuda ona shorghum”, hateten SECoop Arsenio Pereira.

Nia hatutan tan, programa Sekretáriu Estadu nian fó liu prioridade ba kooperativa produsaun agríkola ho produtu prima mak shorghum tanba shorghum nee hanesan ai-horis indústria no mós ai-horis ba rai maran no moris iha fatin ne’ebé de’it.

“Ha’u hanoin katak kuandu programa ida nee lao di’ak, no komunidade sira kontribui ho di’ak, ninia produtu sira nee la’os governu, governu nee mai fasilita de’it  maibé sai na’in produtu hirak nee mak  komunidade sira. Ne’ebé benefísiu nee ba sira ba sira, governu nee mai halo jestaun no halo polítika de’it, no mós enkoraja komunidade sira oinsá mak bele halo produsaun’’, esplika SECoop Arsenio Pereira.

Komuditi Shorghum ka batar ain naruk nee iha multi propózitu ka multi funsaun ne’ebé mak integradu ho programa sira seluk, entaun programa SECoop nian iha komuniti ida maibé ho ninia kadeia de valor ne’ebé mak barak depois mós fó servisu ba komunidade sira.

Iha tempu hanesan, Visenti Soares de Carvalho, nudár produtores, sente kontente bainhira Governu liuhusi Sekretáriu Estadu Kooperativa implementa programa kuda shorghum iha sira nia fatin tanba nia mós konsidera Shoghum ne’e mós sai ai-han alternativu ida hafoin haré no batar.

Partisipa iha serimónia refere mak hanesan, Administradór Munisípiu Manatuto, Eis Vise Ministru Estatal Tomas Cabral hanesan Manatuto oan, Diretór MAP Munisipiu Manatuto, no mós komunidade sira.

EKIPA

iklan
iklan

Leave a Reply

iklan
error: Content is protected !!