PR : Impase Polítika iha Orgaun Soberania La Eziste

0
212
Prezidente Repúblika, Francisco Guterres Lú Olo. Imajen António Gonçalves

DILI, (TATOLI) – Prezidente Repúblika, Francisco Guterres Lú Olo, hateten impase polítika la eziste ona, tanba orgaun soberania sira funsiona hela hodi hala’o ida-idak nia funsaun.

“Ha’u bele dehan impase polítika ne’e konseitu ka espekulasaun, ha’u lahatene. Impase oinsá se orgaun soberania sira funsiona hela, orsamentu iha, Parlamentu iha, Governu iha no orgaun sira seluk iha hodi funsiona mákina Estadu”, Xefe Estadu ba jornalista sira iha Igreja Katedrál, Domingu (14/4).

Tuir Lú Olo karik iha maka impase diferensa pontu devista kona-ba ukun ninian, maibé impase ba orgaun seberania sira ne’e la eziste.

Iha biban ne’e, Prezidente Repúblika hameno ba ninia maluk lider nasionál sira atu iha loron páskua ne’e tenke halo reflesaun kle’an hodi hanoin ba kotuk para bele hasai lisaun ka própriu esperiénsia atu hateke ba futuru.

Jornalista: Xisto Freitas

Editora: Rita Almeida

HUSIK IDA HATÁN