Diretór Ezekutivu HNGV, Aniceto Cardoso Barreto, Tersa (30/4/2019, hasoru malu ho Primeiru-Ministru Taur Matan Ruak, iha Pálasiu Governu. Imajen/Egas Cristovão

DILI, 30 abr 2019 (TATOLI)-Primeiru-Ministru, Taur Matan Ruak, fó ona orientasaun ba diretór ezekutivu Ospitál Nasionál Guido Valadares (HNVG-sigla portugés), Aniceto Cardoso Barreto, atu hadi’a kondisaun infraestrutura no atendimentu ba públiku iha HNGV.

Diretór Ezekutivu HNGV, Aniceto Cardoso Barreto. Imajen/ Antonio Goncalves

“Primeiru-Ministru oriente katak halo melloramentu ba HNGV, liuliu infraestrutura no atendimentu sira ne’ebé lao iha ospitál”, informa Diretór Ezekutivu HNGV, Aniceto Cardoso Barreto, ba jornalista sira, ohin, hafoin relata servisu HNGV nian ba Xefe Governu  iha Palásiu Governu, Dili.

Primeiru-Ministru ho Diretór Ezekutivu HNGV halo mós diskusaun balun,  liuliu foka ba planu instituisaun HNGV nian ba 2020 iha área saúde, prestasaun servisu no konstrusaun ba edifísiu foun HNGV.

Iha tinan 2020 no 2021  sei halo konstrusaun ba HNGV foun bazeia ba dezeñu hosi governu da-neen, inklui reabilitasaun ba ospitál antigu iha Lahane, Dili.

“Tinan ida ne’e ita foku liu ba planu mestre ba HNGV, inklui ita nia ospitál antigu  Lahane, atu dezenvolve hodi muda moras balun ba iha ne’ebá”, hateten Aniceto Cardoso Barreto.

Jornalista: Agapito dos Santos

Editór: Francisco Simões

HAKEREK NO HATÁN

Please enter your comment!
Please enter your name here