Sekretariu Estadu Juventude Desportu, Nélio Isaac Sarmento. Imajen/Antánio Goncalves

DILI, 29 abr 2019 (TATOLI) – Sekretáriu Estadu Juventude no Desportu (SEJD), Nélio Isaac Sarmento, husu organizasaun desportiva sira atu kria programa di’ak ba atleta sira, nune’e atleta bele kompete ho di’ak iha jogu nivel nasionál ho internasionál.

“Organizasaun desportiva sira, naran mak federasaun, maibé tenke dezenvolve an hanesan organizasaun profisionál, tenke iha programa di’ak ba atleta no ikus liu mak finansiamentu”, tenik Sekretáriu Estadu Nélio Isaac Sarmento, ohin, iha Palásiu Governu, hodi responde jornalista sira.

Nia hatutan, federasaun desportiva sira kria bazeia ba voluntarizmu no atu harii organizasaun, maibé presiza inisiativa ho orsamentu, mezmu nune’e governu sempre fó apoiu.

“Governu tau kondisaun no fó apoiu nafatin, maibé bainhira ita fó apoiu ba federasaun desportiva sira, organizasaun sira tenke forte, la’ós organizasaun sira hela ho prezidente de’it, hafoin ita lahatene lala’ok servisu ne’e oinsá”, afirma Nélio Isaac.

Governu liuhosi Primeiru-Ministru, Taur Matan Ruak, fó apoiu tomak ba Sekretaria Estadu Juventude no Desportu (SEJD) atu kria kondisaun, maibé husu mós sira nia responsabilidade.

“Oinsá mak sai prezidente, sekretáriu jerál ou diretór sira, ha’u nia responsabilidade ne’e saida atu dezenvolve atleta sira ne’ebé gosta desportu?”,  tenik Nélio Isaac.

Jornalista: Julia Chatarina

Editór: Francisco Simões

HAKEREK NO HATÁN

Please enter your comment!
Please enter your name here