Moras Malaria da'et lais liu hosi susuk. Imajen/google

DILI,(TATOLI)– Deklarasaun Ministeriál hodi aselera apoia ba eliminasaun malária iha sudeste aziátiku maka kada membru nasaun rejiaun kompromete totál hodi halakon no atinje livre hosi malária iha 2030.

Komunikadu hosi Organizasaun Mundiál Saúde (WHO-sigla ingles) Rejiaun Sudeste Aziátiku ne’ebé Ajénsia TATOLI asesu, Kinta (25/4/2019), relata katak, iha rejiaun tomak rezolve malária makas tebes, hanesan refleta ona iha deklarasaun ministeriál hodi halakon malária ne’ebé ezije impaktu boot abordajen ne’ebé lideradu hosi nasaun sira.

Mundu tomak agora iha misaun hodi halakon malária, OMS Rejiaun Sudeste Aziátiku mós hamriik metin. Entre 2015 no 2017 Rejiaun ne’e hamenus kazu malaria to’o 56% tuir estimasaun, hosi ema millaun 25.5 to’o 11.3. Entre 2015 no 2017 totál númeru kazu ne’ebé tama no konfirmadu tuun ba 25% no kazu mortalidade ne’ebé relata liu hosi metade.

Iha Maldives no Sri Lanka livre ona husi malaria, enkuantu nasaun hitu sira seluk iha Rejiaun nian nasaun membru na’in sia (9) maka endémiku ba malária agora iha misaun hodi hamenus kazu insidénsia ba 40% iha 2020.

Maske iha fatin ne’ebé kazu malária barak ka uitoan, realiza ida ne’e ezije ba nasaun ida-ida fortaleza abordajen mak fó impaktu boot no lideradu rasik, ho sosiedade sivíl dezempeña papél prinsipál, konforme ho tema ba Loron Mundiál ba Malária tinan ida ne’e – ‘zero malária hahú ho ha’u’.

Dahuluk, membru Estadu hotu tenke ezerse hotu Deklarasaun Ministeriál 2017. Ida ne’e signifika katak mobiliza fundu ne’ebé adekuadu no sustentadu ba programa nasionál malária nian – inklui parseiru esterna – no fahe ho apropriadu no efikás iha nivel implementasaun hotu. Importante liu, entre nesesidade sira seluk, ida ne’e mós signifika garante komunidade sira iha baze atu empoderadu foti asaun, no iha asesu ba moskiteiru insetisidas ba tempu naruk, rega iha uma laran, no diagnóstiku no tratamentu ne’ebé bele garante nia kualidade, tuir estratéjia nasionál.

Daruak, membru Estadu hotu tenke garante katak malária maka moras ida ne’ebé bele notifika no transforma vijilánsia ba sentrál intervensaun. Nune’e, importante tebes atu iha kolaborasaun trans-fronteira. Responde husi trans-fronteira sei permite autoridade sira atu responde ba surtu ho efikás liu (espesialmente liu husi inisiativa komplementáriu) no proteje di’ak liután populasaun vulneravel sira iha área fronteira, ne’ebé mak dala barak iha risku ba malaria.

Ida ne’e mós haforsa kapasitasaun nasaun-ba-nasaun, inklui iha peskiza. Hanesan parte husi ida ne’e, mekanizmu Rejiaun tomak – presiza vijilánsia integradu ba malária – ne’ebé foka liu ba ai-moruk – no rezisténsia intestisida – no ajuda atinje rezultadu hirak ne’e. No datoluk, advokasia ba Rejiaun tomak ho objetivu atu garante malária sai nafatin kestaun polítika prinsipál tenke forte nafatin.

Enkuantu ida ne’e espesialmente importante iha nasaun ho todan aan no médiu, ida ne’e mós importante ba nasaun ne’ebé eliminasaun subnasionál hasoru problema balun, no malária, hanesan moras sira seluk antes, sai ona hanesan símbolu eskluzaun, neglijénsia no marjinalizasaun.

Bainhira no posivel iha ne’ebé de’it, sosiedade sivíl tenke apela makas liután no garante katak prevensaun, kontrolu no tratamentu malária sai prioridade no iha duni kompromisu nivel-altu hodi elimina todan ne’ebé sei iha.

OMS sempre kompromete hodi fasilita membru Estadu sira hotu ho apoiu operasionál no tékniku tomak atu garante todan husi malária ne’e sai husi rejiaun tomak. Nune’e, atu atinje rezultadu ida ne’e maka, so posivel ho forsa hotu bainhira iha kompromisu no solusaun husi membru Estadu sira hotu, parseiru, doadores no komunidade hotu.

“Ita hamutuk selebra Loron Mundiál ba Malária, ita tenke iha konxiénsia no hakuak ita nia abilidade atu marka istória no kontribui barak hodi hadi’ak liu tan. Ita tenke fiar aan, la ta’uk atu foti asaun, no fiar katak atinje ‘zero malaria hahú ho ha’u’”, hateten Poonam Khetrapal Singh, Diretora Rejionál OMS ba Sudeste Aziatíku.

Jornalista : Zezito Silva

Editór: Francisco Simões

 

HAKEREK NO HATÁN

Please enter your comment!
Please enter your name here