Ministra Finansa ein ezersísiu, Sara Lobo Brites. Imajen/Egas Cristovão

DILI, (TATOLI) – Ministra Finansa en ezersísiu, Sara Lobo Brites, informa Ministériu Finansa (MF) hamutuk ho Unidade Planeamentu, Monitorizasaun no Avaliasaun (UPMA)  servisu hamutuk hodi hahú rekolla informasaun kona-ba planu no programa ne’ebé ministériu sira iha atu hetan finansiamentu iha Orsamentu Jerál Estadu (OJE) 2020.

“Sira hahú ohin, depois Ministériu Finansa sei kontinua atividade iha loron 30 bá oin. Ita mós sei aprezenta kalendáriu ba preparasaun orsamentu, mas ida ne’e sei iha semana oin maka aprezenta”, atuál Vise-Ministra Finansa ne’e informa hafoin reuniaun Konsellu Ministru iha Palásiu Governu, ohin.

Vise-Ministra mós fó hatene ona ba membru Konsellu Ministru sira katak iha ámbitu preparasaun orsamentu ne’e sei realiza enkontru ho parseiru dezenvolvimentu sira iha inísiu Jullu.

“Entaun informa ba membru Governu sira para tau iha sira-nia ajenda, ba sira-nia partisipasaun, tanba ne’e oportunidade di’ak atu enkontru no diskute ho doadór sira, programa ne’ebé maka sira hakarak finansia iha programa Governu nian iha 2020”.

Jornalista: Maria Auxiliadora

Editora: Rita Almeida

HAKEREK NO HATÁN

Please enter your comment!
Please enter your name here