Ministro da Defeza Filomeno da Paixão de Jesus. Imajen TATOLI/Egas Cristovão

DILI, (TATOLI)– Primeiru Ministru, Taur Matan Ruak, Segunda loraik (22/4/2019), bolu Ministru Defeza no Ministru Interior en Ezersísiu, Filomeno Paixão, hodi koalia kolokasaun Ofisial Polisia Suku (OPS) ho nia kondisaun.

“Primeiru Ministru bolu ha’u relasiona ho interior polisia nian no mós defeza. Iha polísia nian, ko’alia kona-ba dezenvolvimentu iha suku no relasiona ho polísia sira koloka iha suku ne’ebé koñesidu ho naran OPS, ne’ebé integra iha polísia komunitária”,  informa Ministru Filomeno Paixão, ba jornalista sira hafoin hasoru malu ho Primeiru Ministru iha Palásiu Governu.

Preokupasaun boot agora, tuir Ministru Filomeno Paixão, polísia komunitária ho polísia rodoviária (polísia tránzitu), tanba atu koloka polísia maibé ho kondisaun di’ak hanesan uma, eskritóriu no mós haree ba meius komunikasaun sosiál para iha suku laran sira bele hala’o servisu, deskansa, bele iha saúde, iha posibilidade hodi komunika ho aldeia sira avontade para bele informa problema sira iha komunidade nia let.

Nia hateten, daudaun ne’e Nova Zelandia mak ajuda hela polísia komunitária hodi halo uma baze ba OPS kolokadu iha suku laran.

“Sira hanoin atu ajuda ita aumenta tan uma maibé ita labele entrega hotu ba Nova Zelandia tanba ne’e ita nia rai no ita tenke tur hanoin oinsá halo fatin ne’ebé koloka iha suku”, hateten Ministru Filomeno Paixão.

Jornalista: Julia Chatarina

Editór: Francisco Simões

HAKEREK NO HATÁN

Please enter your comment!
Please enter your name here