Prezu sira iha Prizaun Becora. Imajen/Dok.TATOLI

DILI,(TATOLI)-Diresaun Nasionál Prizaun no Re-insersaun Sosiál, Ministériu Justisa,  relata katak, dadur barak liu ne’ebé tama iha prizaun Becora, Gleno ho Suai, mai hosi area jurdisiária  Dili.

Tuir dadus ne’ebé mak Ajénsia TATOLI asesu husi Diresaun Nasionál Prizaun no Re-insersaun Sosiál, Ministériu Justisa, katak to’o Abril 2019 husi dadur 245 kompostu hosi kondenadu 149 no preventiva 96 maka kumpre kadeia iha Bekora, Gleno no Suai.

Total dadur iha komarka  tolu ne’e hamutuk 781, kondenadu 592 no preventiva hamutuk 189, iha Prizaun Becora Kondenadu 444 no preventiva 181, Gleno kondenadu 96 no preventiva 8 no Suai kondenadu 52 kompostu hosi timoroan no estranjeiru hamutuk 32.

Dadur mane iha komarka Bekora 590 no feto rua, Gleno 83 no feto 21, Suai iha mane 52. Dadur adultu 720 no idade ki’ik 61.

Diretór Nasionál Servisu Prijaun no Re-insersaun Sosiál, Ministériu Justisa, Helder Cosme Marcal Belo hatete, dadur sira ne’e maioria komete kazu omisídiu, violénsia doméstika, abuzu seksuál no seluk tan.

Alende ne’e,  Munisipiu Ermera  kondenadu 77 no preventiva 14 total hamutuk 91.

Dadus Dadur Tuir Area Judisiaria no  Municipios to’o fulan Marsu  tinan 2019
Area Judisiária Municipio Status Dadur Total Observasaun
Condenado Preventiva
Dili Ermera 77 14 91 54.12%
Dili 149 96 245
Liquica 48 12 60
Aileu 21 3 24
Sub Total   295 125 420 22.94%
Baucau Lautem 25 7 32
Baucau 70 10 80
Viqueque 33 7 40
Manatuto 11 15 26
Sub Total   139 39 178 18.94%
Suai Covalima 44 6 50
Manufahi 17 5 22
Ainaro 30 15 45
Bobonaro 25 5 30
Sub Total   116 31 147 3.99%
Oecussi Oecussi 22 9 31
Sub Total   22 9 31
Total Geral   572 204 776 100%
74% 26%

Jornalista: Agapito dos Santos

Editór: Francisco Simões

HAKEREK NO HATÁN

Please enter your comment!
Please enter your name here