Ministru Reforma Lejizlativa no asuntu Parlamentár, Fidelis Manuel Leite Magalhães. Imajen/António Gonçalves

DILI, (TATOLI) – Governu liuhosi reuniaun Konsellu Ministru (KM), ohin aprova proposta rezolusaun hosi ministériu ensinu superiór, siénsia no kultura hodi nomeia José Cornélio Guterres, nu’udar Prezidente ba Konsellu Ezekutivu Institutu Nasionál Siénsia no Teknolojia no Afonso de Almeida hanesan Vise Prezidente.

“Konsellu Ministru haree no halo rezolusaun ida kona-ba nomeasaun ba prezidente no vise prezidente Konsellu Ezekutivu ba Institutu Nasionál Siénsia no Teknolojia”, informa Ministru Reforma Lejizlativa no Asuntu Parlamentár, Fidelis Manuel Leite Magalhães, ba jornalista sira iha Palásiu Governu, ohin.

Prezidente ho ninia  vise nomeadu ne’e sei asume mandatu durante tinan haat hahú 2019 to’o 2023.

Tuir komunikadu ne’ebé ajénsia TATOLI asesu hosi KM sita, misaun instituisaun ne’e maka atu halo promosaun ba difuzaun no divulgasaun hanesan disponibilizasaun dadus no informasaun ba interese nasionál.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here