Sekretária Estadu Seguransa Sosiál (SESS) hosi Portugal, Cláudia Joaquim. Imajen espesiál

DILI, (TATOLI) – Sekretária Estadu Seguransa Sosiál (SESS) hosi Portugal, Cláudia Joaquim, ho nia delegasaun ohin to’o ona iha Timor-Leste ho aviaun Citilink iha oras meudia iha aeroportu Internasionál Nicolau Lobato, atu asina programa kooperasaun ho Ministra Solidariedade Sosiál no Inkluzaun (MSSI), Armanda Berta dos Santos.

Tuir Diretór Jerál MSSI, Eugenio João Soares, hafoin simu SESS Portugal ho nia delegasaun iha dehan “Ita iha programa estratéjiku kooperasaun entre governu Portugal ho Governu Timor-Leste”.

Enkuantu, SESS Portugal ho nia delegasaun sei hela iha Timor-Leste kuaze loron 10 nia laran.

Nia sei ba halo vizita iha Sentru Solidariedade Sosiál iha Manatutu, Baukau, Same, Oekusi inkluindu sei halo konferénsia ida ne’ebé nia rasik sei sai oradór hodi ko’alia kona-ba seguransa sosiál tuir esperiénsia Portugal nian.

Tanba ne’e MSSI sei konvida membru governu sira no deputadu sira iha atu tuir konferénsia kona-ba seguransa sosiál, atu ema iha preokupasaun ruma bele husu direita, nune’e bele fó solusaun.

Jornalista: Zezito Silva

Editora: Rita Almeida

KM Aprova Proposta MSSI Kona-ba Kooperasaun ho Portugal

 

HAKEREK NO HATÁN

Please enter your comment!
Please enter your name here