Ministru Estadu Prezidénsia Konsellu Ministru, Hermenegildo Augusto Cabral Pereira. Imajen dok.TATOLI

DILI,(TATOLI)-Reuniaun Konsellu Ministru (KM), ohin, iha Palásiu Governu, aprova proposta deliberasaun husi Ministra Solidariedade Sosiál no Inkluzaun (MSSI), Armanda Berta dos Santos, kona-ba programa kooperasaun setoriál ho Ministériu Traballu  Solidariedade no Seguransa Sosiál Portugal.

Kooperasaun entre parte rua iha  área sosiál ne’e, nia durasaun tinan tolu, hahú husi 2019 to’o 2022, hodi hasae kapasidade institusionál liuhusi kapasitasaun rekursu umanu.

Ministru Estadu Prezidénsia Konsellu Ministru, Hermenegildo Augusto Cabral Pereira, informa katak, kooperasaun ne’e importante tanba kombinasaun ba programa prinsipál hotu hanesan diretu umanu, jéneru no diretu labarik.

“Programa ida ne’e hodi bele avansu  prosesu dezenvolvimentu  ba ita nia nasaun”, hateten Ministru Hermenegildo Augusto Cabral Pereira, ba jornalista sira. Programa kooperasaun ne’e, liuliu atu hasae kapasidade institusionál liuhusi kapasitasaun rekursu umanu hodi fó asesu ba sidadaun sira atu hetan sira nia diretu liuliu protesaun ba diretu labarik, igualdade jéneru, diretu umanu hodi hakotu problema ki’ak ba nasaun.

Jornalista: Agapito dos Santos

Editór: Francisco Simões

HAKEREK NO HATÁN

Please enter your comment!
Please enter your name here