Reuniaun reflesaun ne’ebé akontese iha Bali, Indonézia, iha loron 28-29 marsu fulan kotuk kona-ba lansamentu projetu pilotu relativu ba pekuária fronteirisa no promosaun konjunta turizmu iha illa Timór. FOTO: UM TIA-GT

DILI,(TATOLI)-Banku Dezenvolvimentu Aziátika (ADB-sigla inglés) propoin atu apoiu Timor-Leste no Repúblika Indonézia (RI) ba inisiativa oioin ne’ebé mak lansa ona husi Unidade Misaun (UM), TIA-GT (Timor-Leste-Indonesia-Australia Growth Triangle) no mós grupu traballu trilateral ne’ebé mak sei dezenvolvida hamutuk ho diresaun sira no mós ajénsia governamentál husi país rua.

Área ne’ebé ADB hakarak apoiu mak hanesan hakiak animál, bio-seguransa no kontrolu no prevensaun ba moras sira, turizmu, promosaun konjunta no lansamentu marka partillada ba  iha rejiaun no mós fasilitasaun prosedimentu movimentu tráfegu ema nian, veíkulu no merkadória inklui reforsu no ajilizasaun ba ligasaun aérea efisiente ba presu asesivel ba populasaun sira.

“Ekipa sira ne’ebé mak hasoru malu ona konstituída no halo asaun iha terrenu sei bele mai simu apoiu ADB tuir termu MoU (memorandum of understanding) ne’ebé mak sei negosia ho Governu Soberanu Timor-Leste”,  relata  komunikadu husi Ministériu Negósiu Estranjeiru no Kooperasaun (MNEK).

UM TIA-GT kongratula no manifesta nia agradesimentu tanba haree esforsu no konkretizasaun sira ne’ebé mak rekoñesidu husi instituisaun prestijiozu hanesan ADB.

ADB hakarak apoiu Timor-Leste no Indonézia, iha ámbitu reuniaun reflesaun ne’ebé akontese iha Bali, Indonézia, iha loron 28-29 Marsu, foin lalais ne’e, kona-ba lansamentu projetu pilotu relativu ba pekuária fronteiriza no promosaun konjunta turizmu iha illa Timór, ho prezensa Vise-prezidente ba Jestaun Koñesimentu ADB nian no Responsável husi Grupu Temátiku ba Área Kooperasaun Rejionál no Integrasaun ADB nian no mós kuadru aas no Dirijente Funsaun Públika Timor-Leste nian no mós reprezentante Setór Privadu  sira no Universidade husi nasaun rua.

Inisiativa ida ne’e mosu iha segimentu ba lansamentu Korredór Ekonómiku Transversal iha Illa Timór, halibur nasaun rua no kria oportunidade ba dezenvolvimentu ida integradu no sustentadu iha metade rua iha illa ne’ebé sei trata benefísiu ba populasaun tomak iha Timor-Leste no Timor Osidentál.

Faze foun ba integrasaun rejionál ida ne’e aprezenta husi Forum kona-ba Integrasaun Ekonómika Sub-rejionál, ne’ebé realiza iha loron 30 Novembru 2016, ne’ebé mak marka prezensa husi Ministru Planeamentu no Investimentu Estratéjiku, tempu ne’ebá, Kay Rala Xanana Gusmão. Inklui, Eis-ministru Portugal, Akadémiku no Jestór, Eng. Luís Mira do Amaral no mós Arjun Goswami, ne’ebé agora sai nu’udar responsavel ba grupu temátiku refere.

Dezafiu tuir mai, lansa ona iha Reuniaun Grupu Trilateral Traballu da-hitu, ne’ebé mak hala’o iha Dili iha loron 10 Agostu 2017 ho partisipasaun husi Profesór Myo Thant-Eis-konsultór ADB no autór ba konseitu Triángulu kreximentu no Korredór Ekonómiku.

Jornalista: Rafy Belo

Editór: Francisco Simões

 

HAKEREK NO HATÁN

Please enter your comment!
Please enter your name here