Ministru Obras Públiku, Salvador Soares dos Reis Pires, Imajen/Egas Cristovão.

DILI,(TATOLI) Iha tempu badak nia laran, Ministériu Obras Públiku (MOP) sei fó sai konkursu públiku kona-ba projetu estrada rurál.

 “Ha’u fó sai iha serimónia asinatura ida ho Governu Australia kona-ba estrada rurál, katak iha tempu badak ami sei fó sai konkursu kona-ba projetu estrada rurál atu ema bele konkorre, tantu kompañia nasionál no internasionál”, hateten Ministru Obras Públika (MOP), Salvador Eugénio Soares dos Reis Pires, hodi responde jornalista, ohin, iha Palásiu Governu, hafoin reuniaun Konsellu Ministru.

Ministru Salvador Pires akresenta tan katak,  iha semana dahuluk no daruak, fulan Abríl 2019, MOP sei fó sai konkursu públiku kona-ba estrada rurál, liuliu ba konstrusaun estrada foun. 

Iha semana hirak, fulan kotuk nia laran, MOP hahú halo ona planu aprovizionamentu no besik atu hotu ona, inklui pre-kualifikasaun mós hotu ona.

“Projetu estrada rurál ho pakote 33 husi liña ministériu sira, inklui projetu balun ne’ebé halo dezeñu ba estrada, atu tinan ida ne’e, ita bele tau iha implementasaun”, hateten Ministru Salvador Pires.

Jornalista: Zezito Silva

Editór: Francisco Simões

1 KOMENTÁRIU

  1. Hau nudar Eng.sivil hakarak tuir programa ida ne,atu bele amenta tan hau nia konhesimento ba hau area espesikufiku…

HAKEREK NO HATÁN

Please enter your comment!
Please enter your name here