Membru PN husi Bankada FRETILIN, David Dias Ximenes "Mandati". Imajen/ António Gonçalves

DILI, (TATOLI) –Membru Parlamentu Nasionál (PN) husi  Bankada Fretilín, David Dias “Mandati” Ximenes, husu ba  Governu da-ualu, atu tau atensaun hodi prepara fatin própriu ba negosiante  ambulante sira.

Liuhusi plenária Parlamentu Nasionál, horiseik, Deputadu David Mandati, levanta no hato’o nia preokupasaun ba  atuasaun ne’ebé Polisia Nasionál Timor-Leste (PNTL) halo hasoru marsa dame husi Movim

Movimentu Sosiál Timor-Leste no Vendedór Ambulante, horseik, hala’o marsa ba dame hodi rejeita Rezolusaun Autoridade Munisípiu Dili kona-ba implementasaun polítika eviksaun hasoru vendedór ambulante sira. Imajen/espesiál

entu Sosiál Timor-Leste no Vendedór Ambulante sira iha resintu uma fukun nia oin.

“Ha’u sente ita presiza ba esklarese iha ne’ebá, tanba sira hanesan ita nia vendedór ambulante ne’ebé la iha servisu no sira nia moris mak ho fila liman, nune’e presiza prepara fatin hodi sira bele fa’an sasán, hanesan forma ida atu sira bele sustenta sira nia moris”, hateten David Mandati.

Deputadu David Mandati husu mós ba Ministru Reforma Lejizlativa no asuntu Parlamentár, Fidelis Magalhães, atu bele aprezenta asuntu ne’e iha Konsellu Ministru tanba konsidera hanesan preokupasaun ba parte hotu nian.

“Iha Praia dos Coqueros, pertamina nia sorin, iha parte ida mak sei mamuk karik bele aproveita hodi bele fó solusaun”,  hateten David Mandati.

Vise Prezidente Parlamentu Nasionál, Angelina Sarmento ne’ebé lidera plenária husu atu Governu atu tau prioridade ba asuntu ne’e.

Hafoin remata konferénsia imprensa iha Largo Lesidere hodi kontra Rezolusaun Autoridade Munisípiu Dili kona-ba implementasaun polítika eviksaun hasoru vendedór ambulante sira, reprezentante vendedór sira halo marsa dame no liu PN hodi entrega karta petisaun ba reprezentante povu iha uma fukun.

Ironia, marsa ba dame husi negosiante ambulante sira ne’e hetan atuasaun ho forsa husi PNTL hodi tiru gas lakrimijéniu ne’ebé rezulta mós negosiante na’in ida kanek no seluk oin nakukun ho dezmaia tanba la aguenta ho gas lakrimijéniu.

Jornalista: Julia Chatarina

Editór: Francisco Simões

HAKEREK NO HATÁN

Please enter your comment!
Please enter your name here