Ministru Defeza no mós Ministru Seguransa Interinu, Filomeno Paixão. Imajen/ Antonio Goncalves

DILI, (TATOLI) – Ministru Defeza no Ministru Interiór Interinu, Filomeno da Paixão de Jesus, hateten kilat iha para tiru ema maibé la’ós tiru ho sabraut.

“Bele ema ne’e kriminozu maibé nia komunidade, entaun tiru iha ain no liman maibé labele ba tiru fali hosi ulun fatuk maka tún mai iha kraik”, governante ne’e ba jornalista sira iha Palásiu Prezidente Nicolau Lobato Bairru Pité, tersa ne’e relasiona ho komandante balun hosi Polísia Nasionál Timor-Leste (PNTL) nia deklarasaun ne’ebé dehan polísia sei tiru ema ne’ebé halo krime.

Filomeno esplika asaun tiru ne’e nu’udar últimu rekursu. Katak, bele tiru bainhira kriminozu ne’e tenta atu oho polísia ka oho polísia nia maluk seluk.

“Ne’e só iha últimu rekursu. Katak, nia tenta atu oho ita ka ita book án labele ona ka nia atu ba oho ita nia maluk ida no halo átu (acto) terrorizmu ne’ebé ita evita labele ona, ne’e pasiénsia. Maibé ne’e la’ós regra jerál. Regra jerál maka evita atu tiru”, eis vise Brigadeiru Jenerál ne’e realsa.

Nia klarifika la’ós deskorda ho komandante balun hosi PNTL nia deklarasaun kona-ba tiru maibé tiru tuir regra empeñamentu para kontinua hametin profisionalidade polísia.

“Forsa ho polísia ne’ebé halo atuasaun arbiru de’it ne’e tenke ba hatán iha tribunál para ba kadeia. Forsa no polísia iha regra empeñamentu, katak, tenke tiru tuir regra”, akresenta.

Jornalista: Xisto Freitas

Editora: Rita Almeida

HAKEREK NO HATÁN

Please enter your comment!
Please enter your name here