Ministra Finansas en ezersísiu, Sara Lobo Brites. Imajen Egas Cristovão

DILI, (TATOLI) – Servisu Alfándega (Autoridade Aduneira/AA) Timor-Leste iha sábadu foin lalais ne’e apreende matéria bázika ne’ebé prodús droga ho kilograma 250 hosi timoroan balun ne’ebé halo viajen hosi Singapura mai Timor liuhosi aeroportu internasionál Komoro, ho aviaun Silk Air.

“Ida ne’e kestaun ida tenke haree didiak ninia efetu sekundáriu hosi produtu sira hanesan ne’e”, tenik Ministra Finansa en ezersísiu, Sara Brites Lobo, ba jornalista sira hafoin relata situasaun ne’e ba Primeiru-Ministru, Taur Matan Ruak, iha Palásiu Governu, ohin.

Suspeitu, nia dehan polísia detein ona hodi kumpre oras 72 ba prosesu interogatóriu dahuluk nian, hafoin Autoridade Aduneira prende suspeitu ne’e iha área Aitarak-Laran.

Hapara Re-esporta Ropa Uzadu

Momentu hanesan, Governante mós relata ba  Xefe Governu kona-ba pedidu Governu Indonézia atu hapara re-esportasaun ropa uzadu (obralan) hosi Timor, tanba diskunfia iha mós produtu droga.

“Pedidu hosi Indonézia ba oin labele re-esporta, tanba deskonfia ropa sira ne’e iha produtu balun kahur ho droga maibé ha’u seidauk iha informasaun klaru”, katak tan.

Nia dehan sei halo estudu kle’an ba produtu ne’e tanba efetu mós ba ema nia saúde públika. “Ema aproveita uza produtu hirak ne’e importa produtu droga bainhira la halo kontrolu didiak”, afirma.

Hatan kona-ba hapara importasaun obralan, ministra ne’e dehan seidauk foti desizaun maibé iha tempu badak  governu sei haree asuntu ne’e antes foti desizaun.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here