Ministra Finansa ein ezersísiu, Sara Lobo Brites. Imajen/Egas Cristovão

DILI, (TATOLI) – Ministra Finansa en ezersísiu, Sara Brites Lobo, hatete governu ezekuta ona Orsamentu Jerál Estadu (OJE) 2019 milliaun $156 iha trimestre dahuluk (janeiru to’o marsu) ba saláriu vensimentu no bens servisu.

“Ita kalkula ba osan hamutuk milliaun 156 ba saláriu vensimentu no bens servisu la’o normál  ho ninia porsentu 20 i tall hotu”, dehan nia ba jornalista sira hafoin relata prosesu ezekusaun OJE ba Primeiru-Ministru, Taur Matan Ruak, iha Palásiu Governu, ohin.

Enkuantu, ba kategória kapitál menór no kapitál dezenvolvimentu, governante ne’e dehan ezekusaun sei mínimu tanba implementasaun projetu  sei la’o neneik liu iha trismetre dahuluk.

Tanba ne’e, nia garante sei aselera prosesu implementasaun projetu hodi hetan pagamentu iha trimestrál daruak durante april to’o juñu.

Entretantu, totál OJE 2019 ne’ebé parlamentu halo re-aprovasaun hamutuk billiaun $1,482  ba governasaun da-ulau hodi ezekuta.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here