UNIJMA Husu Governu Entrega Sede Balide no Baukau

0
99
Portavóz Grupu UNIJMA, Gil Ferdes, ba jornalista sira liuhusi konferénsia ba imprensa ne’ebé hala’o ih sede UNIJMA Manleuana, sesta ne’e, husu ba Governu atu entrega sede UNIJMA/ativista Pro-RDTL iha Balide, no Vila Nova, Baukau. Imajen Egas Cristovão

DILI, (TATOLI) – Grupu Uniaun Nasionál Juventude Maubere (UNIJMA) husu ba Governu ne’ebé lidera hosi Primeiru-Ministru (PM), Taur Matan Ruak, atu entrega sede UNIJMA/ativista Pro-RDTL iha Balide, no Vila Nova, Baukau.

Sede UNIJMA iha Balide oras ne’e okupa hosi Polísia Eskuarda no iha Baukau abandonadu tanba la hetan autorizasun hosi Governu para grupu UNIJMA bele uza hikas sira nia sede.

“Ami husu ba PM Taur atu entrega fali sede Sentrál Balide, Dili no sede setorál Vila Nova, Baukau ba organizasaun UNIJMA”, Portavóz Grupu UNIJMA, Gil Ferdes, ba jornalista sira liuhusi konferénsia ba imprensa ne’ebé hala’o ih sede UNIJMA Manleuana, sesta ne’e.

Nia haktuir pedidu ne’ebé sira hato’o ba atuál Governu atu kompleta de’it Sétimu Governu Konstitusionál nia esforsu ne’ebé la to’o rohan atu muda Polísia Eskuadra Balide ba fatin seluk ne’ebé dignu, sura ho sede Setorál Vila Nova ne’ebé organizasaun ne’e hamoos ona iha tempu ne’ebá bele reativa fali.

“Dokumentu legál ne’ebé ami simu hosi Ministériu Defeza no Seguransa nomós Ministériu Justisa iha Sétimu Governu Konstitusionál, ami haruka ba Xefe Oitavu Governu Konstitusionál, Taur Matan Ruak, dezde loron 22 outubru 2018”, Ferdes haktuir.

Sede UNIJMA ne’e taka liuhusi rezolusaun Governu dezde 3 marsu 2014 tanba deskonfia UNIJMA involve iha Konsellu Revolusaun Maubere (KRM) lideradu Paulino Gama “Mauk Moruk” hodi dezestabiliza nasaun iha altura ne’ebá.

Jornalista: Xisto Freitas

Editora: Rita Almeida

HUSIK IDA HATÁN