KI-DPI Haforsa Kooperasaun Iha Area Atendimentu Ba Keixa

0
64
Prezidente KI, Virgílio Guterres ho Prezidente DPI, Yosep Adi Prasetyo, ohin, asina akordu kooperasaun serbisu iha Gedung Dewan Pers Jakarta. Serimonia ne'e akompaña mós husi Konsulér Ambaixáda TL ba Indonézia, Marcos da Costa ho Adjuntu DPI, Ahmad Djauhar. Imajen/Francisco Simões

JAKARTA, (TATOLI)—Konsellu Imprensa (KI) ho Dewan Pers Indonézia (DPI), Sesta (15/3/2019), asina akordu kooperasaun  serbisu atendimentu  no rezolusaun ba keixa.

Akordu kooperasaun ne’e asina direta husi Prezidente KI, Virgílio da Silva Guterres ho Prezidente DPI, Yosep Adi Prasetyo, Edefisiu Dewan Pers, ho enderesu Rua. Kebon Sirih No. 32-34, Jakarta 10110, Indonesia.

Ámbitu husi akordu kooperasaun ida ne’e mós kobre ba formasaun ba formadores ‘Training of Trainers (ToT)’ no estájiu serbisu intensivu (Internship) iha Dewan Pers Indonézia ne’ebé kobre,  ba hala’o mediasaun, plenáriu adjudikasaun no direitu resposta, halo analiza ba kazu reklamasaun no disputa imprensa, rezolve kazu reklamasaun no disputa imprensa,  rezolve kazu legais iha área imprensa, prosesu simu relatóriu investigasaun ne’ebé relasaun ho imprensa, halo analiza ba kazu Legais iha área imprensa, halo asisténsia ba deklarasaun sasin péritu mídia nian iha tempu investigasaun iha Polisia no Tribunál.

KI nu’udar instituisaun independente ho funsaun atu promove Liberdade Imprensa tuir Lei Komunikasaun Sosiál Timor-Leste, Númeru 5/2014, loron 19 fulan Novembru. Intesaun husi akordu serbisu hamutuk ne’e atu promove no haforsa dezenvolvimentu impresa nasionál, fó sujestaun no esforsu atu rezolve reklamasaun husi sosiedade ba kazu sira ne’ebé iha relasaun ho publikasaun imprensa nian.

Ita Dewan Pers Indonézia ho Konsellu Imprensa Timor-Leste  iha espíritu hanesan atu promove  no defende liberdade imprensa no liberdade espresaun. Tanba ne’e, ohin iha selebra akordu serbisu hamutuk atu ita DPI bele ajuda fahe esperiénsia ba KI tuir ita nia kbiit no ita nia koñesimentu”, hateten Prezidente DPI, Yosep Adi Prasetyo, iha nia intervensaun.

Iha loron 29 fulan Agostu 2016, iha Jakarta, KI ho DPI estabelese tiha ona akordu kooperasaun kona-ba promosaun Liberdade Imprensa liuhosi fortalesimentu Institusional no Dezenvolvimentu Politikano iha tinan ne’e kontinua estabelese akordu serbisu hamutuk ho intensaun dezenvolvimentu rekursu umanu no fortalesimentu institusionál Konsellu Imprensa (KI) liuhusi programa formasaun ba formadores ‘Training of Trainers (ToT)’ no formasaun serbisu ou estájiu serbisu intensivu (Internship) iha Dewan Pers.

Akordu Kooperasaun ida ne’e ho durasaun fulan neen (6) hahú husi loron 15 fulan Marsu to’o loron 15 fulan Setembru tinan 2019 no bele hanaruk bainhira iha konkordánsia entre KI ho DPI no ho nia benefisiáriu membru KI, ho funsionáriu tékniku KI nian.

Konteúdu balun ne’ebé hola parte ba responsabilidade DPI nian iha akordu serbisu hamutuk ne’e,makakoloka no fornese peritu ka formadór atu fasilita no akompaña funsionáriu KI ne’ebé mak partisipa estájiu serbisu durante periodu implementasaun akordu kooperasaun, inklui fornese no fasilita matéria ne’ebé mak relevante ho matéria estájiu serbisu nian.

“Ita nia serbisu ida mak atu bele fó advokasia ba media ho jornalista no bele ajuda kapasita ita nia funsionáriu sira iha atendimentu ba kazu disputa, reklamasaun no ho analiza  media”, afirma Prezidente KI, Virgílio Guterres.

Serimónia selebrasaun asina akordu kooperasaun KI ho DPI ne’e partisipa mós husi Konsulár Embaixada Timor-Leste nian ba Indonézia, Marcos da Costa, nudár testemuña, inklui mós membru KI ho membru DPI no funsionáriu ezekutivu sira DPI nian.

EKIPA

HUSIK IDA HATÁN