Eis-Komandante Jerál PNTL, Komisáriu Júlio Hornay, tau diviza ba reprezentante PNTL ne’ebé hetan promosaun iha ámbitu selebrasaun tinan PNTL ba-dala XIX iha Sentru Formasaun Akademia PNTL Komoro. Kuarta, 27 marsu 2019. Imajen António Gonçalves

DILI, (TATOLI) – Membru Polísia Nasionál Timor-Leste (PNTL) na’in 778 hetan promosaun diviza iha ámbitu selebrasaun tinan PNTL ba-dala XIX iha Sentru Formasaun Komoro, ohin.

Promosaun ne’e akontese hosi diviza inspetór asistente ba postu inspetór hamutuk ema na’in rua, sarjentu ba postu primeiru sarjentu hamutuk 540 no ajente ba postu ajente prinsipál hamutuk 236.

Promosaun ne’e akontese tanba dedikasaun membru ba instituisaun ne’e durante tinan barak.

Promosaun diviza simbolikamente entrega ba membru polísia na’in tolu durante serimónia hanesan Polísia Vitorino Mauleto Ribeiro hosi postu inspetór asistente ba inspetór, Polísia Marciana Lourdes Freitas  hosi postu sarjentu ba primeiru sarjentu  no Ricardo Souza da Cruz postu ajente ba ajente prinsipál.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here