Cristo Rei. Imajen/Espesiál

DILI, (TATOLI) – Ajénsia Estadus Unidus ba Dezenvolvimentu Internasionál (USAID) nia Projetu Turizmu Ba Ema Hotu iha kolaborasaun ho Institutu Teknolojia Dili (DIT) sei apoiu konferénsia dahuluk kona-ba turizmu bazeia ba fiar iha Timor-Leste.

Konferénsia ne’e tuir ajenda sei halo iha  Segunda (17/5/2019,  iha Sentru Konvensaun Dili (CCD-siglaPortugés) ho tema,  “Paz, Harmonia no Amizade: Dezenvolvimentu Turizmu bazeia ba Fiar”.

Komunikadu Imprensa husi USAID, ohin, relata katak, kona-ba grupu serbisu ba fiar nian ne’ebé mak sei inklui lider relijiozu Katóliku, Konghucu, Musulmanu, Indú, no Protestante iha Timor-Leste.    Lider relijiozu sira asina deklarasaun ba entende serbisu hamutuk ba dezenvolvimentu no merkadorias kona-ba turizmu bazeia ba fiar iha Timor-Leste.

Nai Feto Ramelau,nudar mós poténsia turizmu fiar nian. Imajen/google

USAID nia Turizmu Ba Ema Hotu no Xefe de Ekipa Peter Semone mós hato’o proposta ba kria paseiu foun ba vizitante hodi hatene esperiénsia kona-ba fiar nian. “Dalan ba Naroman” sei komesa iha Tasitolu, Dili ho prosesaun ba estasaun 14 ba Cruz boot. Nia mós sujere estabelesimentu ba  Parke Paz Inter-Relijiozu iha simeira tuir mai.

“Turizmu bazeia ba fiar aumenta iha eskala globál. Kuaze millaun atus tolu turista vizita ba fatin relijiozu nian iha mundu kada tinan, jeneraliza ba estimasaun dolar biliaun 18. Timor-Leste iha poténsia ne’ebé seidauk esplora ba meius merkadu nian ida ne’e, ho fatin mak hanesan Cristo Rei no Santuáriu ba Virjen Maria iha foho Ramelau, iha fatin ne’ebé mak naturalmente furak no bonita. Diferente komunidade relijiozu  iha relasaun ne’ebé armonia entre sira no ha’u sente katak turizmu bazeia ba fiar nudár dalan ne’ebé di’ak iha kontestu ba iha sosiedade Timor-Leste nian”, hateten Harold Carey, USAID nia ofisiais ba kreximentu ekonomia.

Nia hatutan, konferénsia nudár ezemplu ba oinsá Estadus Unidus lori hamutuk organizasaun Timor-Leste nian ho sira seluk iha rejiaun ne’e hodi atinje meta komún.  Tanba ligasaun mak hanesan parte esensiál primeiru ne’ebé mak ajuda avansa Timor-Leste nia relasaun ekonomia ho ninia viziñu rejionál no ekonomia globál tomak. Ne’e kontribui ba estabelesimentu ba ekonomia ne’ebé livre no nakloke iha Timor-Leste.

Harold Carey hateten, ne’e ajuda nasaun bele realiza ninia poténsia rasik, aumenta ninia auto-konfiansa no kria oportunidade ekonomia foun ba Timor-Leste nia emprezáriu hodi prósperu no tama ba iha relasaun negósiu ne’ebé sofistikada ho parseiru ne’ebé deside, mak hanesan Estadus Unidus no Negósiu Estadus Unidus nian.

Konferénsia  ne’e  sei inklui aprezentasaun husi Missioner Prezidente Episkopal Timor-Leste, Mgr.  Basilio do Nascimento Timor-Leste, Apóstolu Núnsiu Missioner Marco Sprizzi, Louis D’Amore, Prezidente Institutu Internasionál ba Paz liu husi Turizmu, Carlos Cabecinhas, diretór fatin relijiozu de Fátima no I. Gede Pitana, asesór ba ministériu turizmu Indonesia nian.

Konferénsia ne’e sei partisipa husi reprezentante Ministériu Turizmu, Komérsiu no Indústria, ONG Haburas, operadór paseiu, no mós dosente ho ho  estudante sira husi DIT nian, ne’ebé sei inklui aprezentasaun husi Asesór USAID nia Projetu Turizmu ba Ema Hotu,  Manuel Vong no Ratna Soebrata, ne’ebé indika Indonézia nudár poténsia signifikante ba merkadu nian ba turizmu bazeia ba fiar iha Timor-Leste.

EKIPA

 

HAKEREK NO HATÁN

Please enter your comment!
Please enter your name here