Membru PN husi Bankada FRETILIN, David Dias Ximenes "Mandati". Imajen/ António Goncalves

DILI, (TATOLI) – Deputadu Bankada Opozisaun hosi partidu Frente Revolusionária Timor-Leste Independente (FRETILIN), David Dias Ximenes, husu instituisaun Estadu sira labele politiza burokrasia Estadu.

“Ha’u husu labele politiza burokrasia Estadu, tanba ohin loron burokrasia ne’e hanesan atu politiza, ida ne’e mak sei viabiliza korrupsaun”, tenik iha plenária segunda ne’e.

Tuir deputadu ne’e kuandu burokrasia ho polítiku sira hamutuk ona problema boot, tanba ne’e tenke tau burokrasia iha nia fatin no nomeasaun polítika iha sira nia fatin.

“Atu sai asesór tenke iha péritu iha área nia atu fó asesoria ba ne’e, labele fali ministru sarjana ida maibé ninia asesór ema SD fali, tanba ne’e tenke iha kritériu”, katak.

Sekretáriu Estadu Komunikasaun Sosiál, Merício Juvenal dos Reis Akara. Imajen Egas Cristovão

Hatan ba kestaun ne’e Sekretáriu Estadu Komunikasaun Sosiál, Merício Juvenal dos Reis Akara, hateten ema sé de’it bele ba aprezenta dadus bainhira iha evidénsia.

“Kuandu iha informasaun karik bele hato’o pur-eskrita no aprezenta dadus ruma para ita bele buka solusaun”, dehan.

Jornalista: Julia Chatarina

Editora: Rita Almeida

HAKEREK NO HATÁN

Please enter your comment!
Please enter your name here