Ministru Reforma Lejizlativa no Asuntu Parlamentár, Fidelis Manuel Leite Magalhães. Imajen António Goncalves

DILI, (TATOLI) – Profesór Ryokichi Hirono hasoru Ministru Reforma Lejizlativa no Asuntu Parlamentár, Fidelis Manuel Leite Magalhães, ohin hodi fahe esperensia kona-ba prosesu dezenvolvimentu, unidade nasionál, prioridade investimentu Estadu  ho setór privada  hodi apoiu prosesu dezenvolvimentu Nasaun.

Profesór Ryokichi Hirono ninia hasoru malu ne’e hetan akompañamentu hosi embaixadór estraordináriu no Plenipotensiaria Japaun ba Timor-Leste, Hiroshi MINAMI, iha Palásiu Governu.

Profesór ne’e nu’udar mós konselleru ba Governu Japaun no nasaun seluk iha mundu kona-ba dezenvolvimentu, nune’e mós nu’udar profesór iha universidade Japaun no universidade seluk iha mundu no hakna’ar aan iha Banku Mundiál no Fundu Monetáriu Internasionál (IMF-sigla inglés).

“Enkontru ida atu fahe hanoin ba malu, ha’u sente onradu tanba iha oportunidade atu rona esperénsia hosi profésor ne’e”, espresa Ministu hafoin hasoru malu ho profesór ne’e.

Fidelis hatete esperénsia ne’ebé ohin nia hetan sei sai bukae hodi informa ba governu atu apar mós realidade Timor nian ba apoiu prosesu dezenvolvimentu Nasaun.

Iha momentu hanesan, embaixadór Hiroshi MINAMI hatete profesór ne’e fahe esperénsia kona-ba planu dezenvolvimentu ba Timor Leste, liuliu iha kobransa taxa, agrikultura no peska.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here